Арымкулова Гульнара Нурбековна 2025-жылдын май айынан бери «БТ Инновэйшнс» КФ МКА Каржы Фондунун Башкармалыгынын төрайымы болуп саналат. Буга чейин ал 2012-жылдан 2025-жылдын май айына чейин «БТ Инновэйшнс» КФ МКА Каржы Фондунун Байкоочу кеңешинин мүчөсү болгон, ошол эле учурда 2019-жылдан тарта Байкоочу кеңештин төрайымы кызматын аркалаган. Арымкулова Гульнара Нурбековнанын экономикалык жана каржылык чөйрөлөрдө долбоорлорду башкаруу боюнча 30 жылдык тажрыйбасы бар. Бул мезгил аралыгында Гульнара Нурбековна Дүйнөлүк банк (ДБ), Эл аралык каржы корпорациясы (ЭКК), USAID, Азия өнүктүрүү банкы (АӨБ) жана Европа реконструкциялоо жана өнүктүрүү банкы (ЕРӨБ) сыяктуу эл аралык каржы институттары тарабынан ийгиликтүү каржыланган көптөгөн долбоорлорду ишке ашырууга жана башкарууга катышкан. Каржы секторундагы ишмердүүлүгү 1998-жылы Европа Биримдигинин КӨФКга техникалык жардамынын алкагында Кыргыз айыл чарба каржы корпорациясын (учурда «Айыл Банк» ААК) түзүүгө жана калыптандырууга көмөктөшүүдөн башталган. Арымкулова Гульнара Нурбековна ошондой эле жергиликтүү микрокредиттик компанияны жана активдерди ишенимдүү башкаруу боюнча компанияны түзүүгө жана өнүктүрүүгө катышып, аталган компаниялардын директорлор кеңешинин мүчөсү болгон. 12 жыл бою Гульнара Арымкулова «ФНТ Консалтэнтс» консалтингдик компаниясын жетектеп, ар кандай экономикалык багыттагы долбоорлордун кеңири чөйрөсүн ишке ашырган, бул анын консалтинг, персоналды башкаруу жана каржы-чарбалык ишмердүүлүктү жүргүзүү боюнча терең тажрыйбасын тастыктайт. Гульнара Нурбековна катышкан долбоорлор кыйла олуттуу географиялык камтууга ээ жана Кыргыз Республикасын гана эмес, ошондой эле Тажикстан менен Казакстанды да камтыйт, ал жерде бизнес-пландоо жана башкаруу боюнча эл аралык консультант катары иштеген. Кыргыз Республикасынын Президентине караштуу Бишкек эл аралык менеджмент жана бизнес мектебинин MBA даражасына ээ. Кыргыз мамлекеттик улуттук университетин экономист адистиги боюнча артыкчылык менен аяктаган. Германия, Швеция жана Бельгиядагы эл аралык консалтингдик компанияларда такшалмадан өткөн. Гульнара Нурбековна Кыргыз Республикасынын Көз карандысыз директорлор палатасынын чыныгы мүчөсү болуп саналат.

Асель Маматова КМУнун эсеп-коммерциялык факультетин аяктаган. 2011-жылы Кыргыз Республикасынын Президентине караштуу Башкаруу академиясында MBA даражасын алган. Асель Маматова Кыргызстандын каржы секторунда, анын ичинде баалуу кагаздар рыногунда жана банктык эмес каржы секторунда олуттуу иш тажрыйбасына ээ. Баалуу кагаздар рыногунда 5 жыл иштеген. Анын компетенциясынын чөйрөсүнө кардарлар жана компаниянын инвестициялык портфели үчүн инвестициялык инструменттерди талдоо, тандоо жана баалоо кирген. Акыркы сегиз жылдан бери ал БТ Инновэйшнс компаниясында иштеп, Башкармалыктын мүчөсү жана каржылык пландоо боюнча адис болуп саналат. Асель «Бай-Түшүм» Фондунун жана анын түзүмү болгон, кийинчерээк «Бай-Түшүм» коммерциялык банкына айланган «Бай-Түшүм жана Өнөктөштөр» МККсынын бөлүнүшүнө күбө болгон. Каржы секторунда иштегенге чейин Асель Азия өнүктүрүү банкынын, Европа Биримдигинин долбоорлору сыяктуу эл аралык уюмдардын долбоорлорунда иштеген. Эл аралык өнүктүрүү өнөктөштөрү менен иштөө Аселдин тажрыйбасын кыйла байыткан жана учурда БТ Инновэйшнс'тын эл аралык өнөктөштөрү менен иштөөгө жардам берүүдө.

Башкарманын мүчөсү, "БТ Инновэйшнс" Финансылык фонду" КМФ башкы бухгалтери кызматын ээлейт. Банк секторунун бухгалтердик эсебинде 30 жылдан ашык иш тажрыйбасы бар. Эмгек жолун 1992-жылы КыргызӨнөрЖайКурулушБанкынын Ленин бөлүмүндө баштаган. 1996-1998-жылдары "Толубай" АКБнын БЭжБ башкармалыгында кардарларды эсептешүү-кассалык тейлөө боюнча адис-бухгалтер болуп иштеген.
1998-жылы "Бакай Банкын" түзүү боюнча уюштуруу тобуна катышкан. Банктык лицензияны алгандан кийин Бухгалтердик эсеп жана отчеттуулук башкармалыгында алдыңкы бухгалтер, кийинчерээк "Бакай Банкынын" башкы бухгалтеринин орун басары болуп иштеген.
2009-жылдын декабрынан азыркы учурга чейин Фонддун башкы бухгалтери кызматын ээлеп, анын башкармалыгынын мүчөсү болуп саналат. "Бай-Түшүм" Банкы" ЖАК жана "Бай-Түшүм" Финансылык Фонду" КМФ эсептерин бөлүүүгө катышкан.