Туруктуу өнүгүүгө карай: BT Innovations АМФОнун 20 жылдык мааракесинде сыйланды

Бишкекте Микрокаржылоо уюмдар ассоциациясынын (АМФО) түзүлгөндүгүнүн 20 жылдыгына арналган юбилейлик конференция болуп өттү. «Микрокаржылоо аркылуу туруктуу өнүгүүгө карай» деген теманын алкагында өткөн иш-чарага алдыңкы эксперттер, мамлекеттик органдардын жана эл аралык институттардын өкүлдөрү катышты.

BT Innovations микрокредиттик агенттиги бул конференцияга активдүү катышып, Кыргызстандын каржы секторунун келечегин талкуулады. Жыйында санариптештирүү, ESG-стандарттарын киргизүү, аялдар ишкердигин колдоо жана «жашыл» каржылоо инструменттерин өнүктүрүү маселелерине өзгөчө көңүл бурулду.

Иш-чаранын салтанаттуу бөлүгүндө Ассоциация тармактын өнүгүшүнө салым кошкон өнөктөштөрүн белгиледи. Микрокаржылоо секторунун туруктуу өнүгүүсүнө кошкон салымы үчүн BT Innovations атайын эстелик белек менен сыйланды.

«Бул жылдар аралыгында сектор жөнөкөй насыя берүүдөн баштап, татаал технологиялык чечимдерди ишке ашырууга чейинки жолду басып өттү. Бүгүнкү күндө микрокаржылоо уюмдары — санариптештирүүнүн кыймылдаткычы жана өлкө экономикасынын маанилүү бөлүгү», — деп белгилешти уюштуруучулар.

Бул сыйлык BT Innovations үчүн ачык-айкындуулукка, технологияга жана кардарларды колдоого багытталган стратегиянын тууралыгын далилдейт.